追星係解鎖女兒內心嘅神奇密碼

唔知由幾時開始，女兒房門貼咗張大大張嘅海報，檯面擺住精緻嘅相架，客廳時不時播住啲我唔太識韓文歌。呢排屋企出現率最高嘅名，唔係啲英文文法定數學公式，而係——「宋雨琦」。

女兒今年只係個中二學生，正值青春期。一開始做老竇嘅，心裏面總會嘀咕兩句：初中課業開始變繁重，追星會唔會搞到佢上課分心、做功課心水清？螢幕前嗰啲閃閃發亮嘅韓團明星，會唔會只係小女生一時嘅盲目發熱？啊女不太喜歡講身邊發生的事情，但唯一和女兒最多的話題，就是女兒偶像宋雨琦或者idle女韓團。說起雨琦，我都幾佩服佢，所以我都讚同女兒追的這顆星星，也試下從生活小事入手，慢慢走入佢呢個中二女仔嘅小世界。

3D 打印老竇嘅生活小日常

既然女兒有興趣，身為「工程型老竇」嘅我，就用自己嘅專長同佢玩埋一份。

自從學會3D打印和簡單零件設計，我就問女兒想不想要個宋雨琦小夜燈，答案是肯定要啦。於是找了張宋雨琦漂亮的相片，轉化成 3D 小燈箱，連入面嘅電路零件、線路都係我親手焊接。當燈箱亮起嗰一刻，女兒個驚喜樣，簡直好似我幫佢贏咗彩票咁！而是重要是她會幫小燈箱拍照，分享給同學朋友看。

未幾，佢又拎住堆「偶像小咭」跑過嚟：「老竇，幫我打個訂製長度嘅盒仔裝咭啦！」過程中佢仲好認真咁幫我科普：原來這類咭仔呎吋係有幾種嘅……我也不甘示弱，我教佢喺 Makerworld 網頁搵想要嘅盒子外觀，然後再幫佢調整尺寸改到啱裝那些咭仔。

陪看《奔跑吧》：從學霸到實力派偶像

除了玩 3D 打印，平時喺屋企客廳，我也會坐低陪佢睇綜藝節目《奔跑吧》。我原本以為女明星咪又係嬌滴滴、隨時要補妝嗰種。點知宋雨琦一出場，完全打破晒我嘅偏見！玩遊戲完全冇偶像包袱，拔河、撕名牌拼命過啲男嘉賓，豪爽嘅笑聲穿透整個電視，難怪啲網民叫佢「雨琦弟弟」。

後來一查資料，我呢個做老竇嘅更係大開眼——佢以前喺北京頂級名校「北京101中學」讀理科實驗班，係個名副真實嘅超強學霸！不僅中文母語，韓語考到 TOPIK 5 級高級認證，被韓國主持人笑稱「講得比韓國人仲像韓國人」，連英文都可以獨自接受全英文採訪，甚至喺節目流利背誦英文版《道德經》，連日文都能日常應答。

「你睇下！佢真係好厲害㗎！唔單止係靚，佢係靠實力拼返嚟！」我在女兒身邊興奮咁訴說，女兒非常讚同的點點頭。我女兒都算幾好眼光，選偶像質素都咁高。

暑假首爾朝聖：CUBE 大廈門前嘅「二次探訪」

今年暑假長假期，我哋一家人去咗韓國首爾旅行。既然嚟到首爾，當然唔少得女兒嘅重頭戲——去聖水洞朝聖！啊女為著去偶像公司，我規定了她需要自己安排時間，我提供其他日期安排好的旅遊行程，她需要配合，然後和我商量日期，出發時間，自己安排搭車方式路線等鎖碎事，為了自己偶像而努力。

我哋跑去宋雨琦所屬經紀公司 CUBE 娛樂大廈門口拍照留念。原來是想為了參觀位於大廈地舖嘅 Cafe，可惜兩次探訪，Cafe一是放了假，一是沒有對外營業，攪活動。Cafe 入面擺了I-DLE 嘅照片、海報同各種周邊物件，簡直係 Fan 嘅天堂。但非常可惜，沒有參觀到，但女兒沒有太大失望情緒，然後繼續遊玩。我認為這個是很難得的正面表現。

客廳裡嗆歌聲：宋雨琦苦練故事與成長啟發

每天放鬆時間，客廳電視機裡，有時會播綜藝節目，有時會播住女兒推薦嘅歌。女兒會跟我分享：「你聽下，佢個聲線好特別，唔係嗰啲甜到漏嘅女高音，係好有辨識度嘅『煙嗓』，好有力量又好暖。」

聽咗佢嘅 Solo 歌《Giant》同《FREAK》，女兒就說，這些全係宋雨琦自己參與創作嘅歌，唱作一手包辦，我也適時配合地說了句厲害。

我亦藉機同女兒講起了宋雨琦出道前嘅苦難史。當年佢放棄名校嘅坦途，連續考咗 4 次選拔屢屢受挫都唔放棄；一個人遠赴韓國，每天訓練 12 到 15 個小時，練舞練到腳趾甲瘀血脫落，冬天凍到躺喺練習室地板，孤獨一人也只向家裡打過一次訴苦電話。

我嚴肅又溫馨咁同女兒講：「年輕偶像入面，老竇都覺得宋雨琦好厲害。小小年紀做唱作歌手、精通幾國語言，最重要係面對未知嘅前路有勇氣！屢屢受挫都未放棄過，呢種唔認輸嘅精神，先係你最應該向你偶像學習嘅地方。」啊女喺中二呢個面對初中適應壓力同青春期社交焦慮嘅年紀，偶像嘅故事同歌曲，希望像一劑溫柔嘅強心針，陪佢過關斬將，面對各種生活上困難。

結語：追星，可以是家庭生活中的一部份

以前青春期嘅女兒，總係鍾意將心事藏埋，房門一關就自己一個世界。但自從我融入佢嘅生活小事，幫佢打小燈箱、改咭盒、陪佢聽歌，甚至陪佢跑去首爾聖水洞朝聖，我哋之間嗰道牆就冇咁硬。

追星，唔再係兩代人之間嘅代溝，反而變咗我哋日常生活嘅橋樑。做父母嘅，與其站在對立面盲目阻攔，不如放下架子、放慢腳步，用生活細節走入佢哋嘅小世界。

多謝宋雨琦呢個奇女子，用佢嘅努力同真誠，給了女兒一份積極向上嘅榜樣力量；同時我也喜歡這場「追星之旅」。

Findtutorial.com 編輯部: Maker Papa｜親子點滴

Last Updated: 13-Oct-2026